Alfonso R. Castelao: Os vellos non deben de namorarse

Están as nubes chorando
por un amor que morreu,
están as ruas molladas
de tanto como choveu.

Lela, Lela,
Leliña, por quen eu morro,
quero mirarme
nas meniñas dos teus ollos.

Non me deixes
e ten compasión de min.
Sen ti non podo, sen ti
non podo vivir.

Dame alento coas tuas palabras,
dame celme do teu corazón.
Dame lume coas tuas miradas
dame vida co teu doce amor.