Cada día máis linda e máis linda, cada día mellor e mellor.

Estamos fartos de saber que o pobo galego fala un idioma de seu, fillo do latín, irmán do castelán e pai do portugués. Idioma apto e axeitado para ser vehículo dunha cultura moderna e co que aínda podemos comunicarnos con máis de sesenta millóns de almas.
O galego é un idioma estenso e útil, por que con pequenas variantes fálase no Brasil, en Portugal e nas colonias portuguesas. A esta fala popular, viva e gloriosa, os imperialistas chámanlle dialecto. Máis eu preguntaríalles: Dialecto de que idioma ? Do que vós chamades español ?. De ningunha maneira, por que o idioma que vós impuxestes pola forza é un irmán menor do galego. Acaso queredes dicir que é dialecto do latín?. Pois entón chamádelle dialecto ao francés, ao italiano, ao romanés, por que tamén son fillos do latín e irmáns do galego.
E diríalles máis: Prohibistes o galego nas escolas para producir no espírito dos nosos rapaces un complexo de inferioridade, facéndolles cres que falar galego era falar mal e que falar castelán era falar ben. Expulsastes o galego das Igrexas, facendo que os representantes de Cristo explicaran o Evanxeo no idioma oficial, que o pobo non falaba nin comprendía ben. Refugastes o galego antes os Tribunais de Xustiza e chegastes a castelanizar barbaramente as toponimias galegas.
E de que vos valeu ? Por que despois de máis de catro séculos de política asimilista, exercida con toda riqueza de astucias e violencias, o noso idioma está vivo. Sodes, pois, uns imperialistas fracasados.